"Челси" бош мураббийи Маурисио Почеттино "Эвертон" ярим ҳимоячиси Деле Алли ҳақида фикр билдирди.
“Умид қиламанки, унга қўнғироқ қилиш ва учрашиш учун вақт топаман, чунки у ажойиб йигит ва мен у билан бироз гаплашмоқчиман.
Мен унга ёрдам бермоқчиман ва нима бўлаётганини билмоқчиман", - деди Почеттино.
Алли 2016/17 йилги мавсумда Почеттино бошчилигидаги "Тоттенхэм"да 22 та гол урган эди. Ўшанда Англиянинг ёш иқтидорларидан бири эди.
Ҳозир 27 ёшли футболчи тушкунликка тушган. 2021 йилнинг ёзидан буён у Премьер-лигада бор йўғи 23 та ўйинда майдонга тушди ва битта гол урди.
Олдинроқ ярим ҳимоячи "Эвертон" машғулотларига қайтгани ҳақида хабар берилганди. У “ирисчилар” сафида ўз ўрни учун курашиш ниятида.
Алли ўтган мавсумни "Бешиктош"да ижарада ўтказди. У турк клуби сафида 15 та ўйин ўтказиб, 3 та гол урган.
