"Chelsi" bosh murabbiyi Maurisio Pochettino "Everton" yarim himoyachisi Dele Alli haqida fikr bildirdi.

“Umid qilamanki, unga qo‘ng‘iroq qilish va uchrashish uchun vaqt topaman, chunki u ajoyib yigit va men u bilan biroz gaplashmoqchiman.

Men unga yordam bermoqchiman va nima bo‘layotganini bilmoqchiman", - dedi Pochettino.

Alli 2016/17 yilgi mavsumda Pochettino boshchiligidagi "Tottenxem"da 22 ta gol urgan edi. O‘shanda Angliyaning yosh iqtidorlaridan biri edi.

Hozir 27 yoshli futbolchi tushkunlikka tushgan. 2021 yilning yozidan buyon u Premyer-ligada bor yo‘g‘i 23 ta o‘yinda maydonga tushdi va bitta gol urdi.

Oldinroq yarim himoyachi "Everton" mashg‘ulotlariga qaytgani haqida xabar berilgandi. U “irischilar” safida o‘z o‘rni uchun kurashish niyatida.

Alli o‘tgan mavsumni "Beshiktosh"da ijarada o‘tkazdi. U turk klubi safida 15 ta o‘yin o‘tkazib, 3 ta gol urgan.