«Monako» yarim himoyachisi Lamin Kamara uchun «Kristal Pelas»dan kelib tushgan 50 million yevro miqdoridagi ilk rasmiy taklifni rad etdi.

Fransiya klubi senegallik futbolchi uchun kamida 60 million yevro olishni istamoqda. Ayni paytda «Liverpul» va «Manchester Yunayted» ham 22 yoshli yarim himoyachining vaziyatini kuzatib bormoqda.

«Monako» bosh murabbiyi Filipe Luis esa Kamarani jamoada saqlab qolish istagini ochiq bildirdi.

«Men juda xudbinman va barcha futbolchilarimni jamoada qoldirishni xohlayman. U ehtimol dunyodagi eng yaxshi yarim himoyachilardan biri», — dedi mutaxassis.

Filipe Luis Kamaraning to‘p bilan oldinga harakatlanishi va maydondagi mehnatsevarligini alohida ta’kidladi.

Kamara yakshanba kuni «Liverpul»ga qarshi o‘tkazilgan o‘rtoqlik uchrashuvida (3:2) ham yaxshi taassurot qoldirdi. U mazkur bahsda mersisaydliklar yarimhimoyachilari Dominik Soboslay va Rayan Gravenberxga qarshi harakat qildi.

Lamin Kamaraning «Monako» bilan amaldagi shartnomasi 2029 yilgacha mo‘ljallangan. Qolaversa, klub yozgi transferlar davomida futbolchilar sotuvidan allaqachon 105 million yevro ishlab olgan. Shu bois «Monako» Kamarani sotishga majbur emas va o‘zining 60 million yevrolik talabida qat’iy turishi mumkin.