"Барселона" ярим ҳимоячиси Франк Кессиэ жамоани тарк этиш ҳақида ўйламоқда.
26 ёшли футболчи Саудия Арабистони чемпионати вакилларидан таклифлар олган, бироқ келишувга эришилмаган. Barca Universal хабарига кўра, "Барселона" бош мураббийи Хави Эрнандес Кессиэ билан аллақачон гаплашиб бўлган ва Кот-д'Ивуарлик агар жозибадор таклифлар пайдо бўлса, клубни тарк этишга тайёрлигини билдирган.
Франк Кессиэ ўтган июль ойида "Барселона"га эркин агент сифатида келиб қўшилган ва 2026 йилгача шартнома имзолаган. Transfermarkt портали футболчининг трансфер нархини 25 миллион еврога баҳоламоқда.