"Barselona" yarim himoyachisi Frank Kessie jamoani tark etish haqida o‘ylamoqda.
26 yoshli futbolchi Saudiya Arabistoni chempionati vakillaridan takliflar olgan, biroq kelishuvga erishilmagan. Barca Universal xabariga ko‘ra, "Barselona" bosh murabbiyi Xavi Ernandes Kessie bilan allaqachon gaplashib bo‘lgan va Kot-d'Ivuarlik agar jozibador takliflar paydo bo‘lsa, klubni tark etishga tayyorligini bildirgan.
Frank Kessie o‘tgan iyul oyida "Barselona"ga erkin agent sifatida kelib qo‘shilgan va 2026 yilgacha shartnoma imzolagan. Transfermarkt portali futbolchining transfer narxini 25 million yevroga baholamoqda.