«Nottingem Forest» «Sporting» markaziy himoyachisi Usman Diomandeni 40 million yevro evaziga o‘z safiga qo‘shib olishga yaqin. The Athletic ma’lumotiga ko‘ra, transfer bo‘yicha muzokaralar yakuniy bosqichga kirgan.

Agar bitim reja bo‘yicha amalga oshsa, 22 yoshli kot-d’ivuarlik himoyachi shanba kuni Angliyaga uchib borib, tibbiy ko‘rikdan o‘tadi. Shundan so‘ng u «Nottingem Forest» bilan besh yillik shartnoma imzolaydi.

Diomande 2023 yil yanvar oyida Daniyaning «Midtyullann» klubidan «Sporting»ga ko‘chib o‘tgan. Shu vaqtdan beri u Lissabon jamoasi safida 132 ta uchrashuvda maydonga tushdi. Shuningdek, himoyachi Kot-d’Ivuar terma jamoasi tarkibida 16 ta bahsda ishtirok etgan va 2026 yilgi Jahon chempionatida ham maydonga tushgan.

«Nottingem Forest» Diomande transferini Portugaliyadagi yig‘in vaqtidayoq yakunlashni rejalashtirgan edi. Biroq bitimning so‘nggi tafsilotlarini kelishish kutilganidan ko‘proq vaqt talab qildi.