«Manchester Siti» «Barselona»ga yon berishni rejalashtirmayapti.
Avvalroq yarim himoyachi «blaugrana»ga o‘tishni xohlayotgani va bu haqda Angliya klubi rahbariyatini xabardor qilgani aytilgan edi. Kataloniyaliklar bonuslarni hisobga olgan holda 45 million yevrodan ortiq taklif berishdi, ammo bu rad etildi.
ESPN’ning qayd etishicha, «shaharliklar» «Oltin to‘p» sohibini 70 million yevrodan qimmatroqqa baholamoqda. Ular norozi futbolchini jamoada olib qolish niyatida bo‘lmagani uchun uni ushlab turishmaydi, biroq «Barselona»ga chegirma berishga ham rozi emaslar. Klublar o‘rtasidagi muzokaralar davom etadi.
