"Байер" вингери Мусса Диаби "Манчестер Юнайтед"нинг қизиқишлари рўйхатида.
"Қизил иблислар" аввалроқ ҳам франциялик футболчига даъвогарлар қаторида пайдо бўлган, бироқ бу масала расмий музокараларга келмаган. Журналист Адриан Каюмбанинг сўзларига кўра, инглиз гранди яна бир бор 24 ёшли футболчини трансфер мақсадлари қаторига киритган.
Transfermarkt томонидан 50 миллион еврога баҳоланган Мусса Диаби ўтган мавсумда "Байер" таркибида 48 ўйинда 14 гол ва 11 голга ассистентлик қилган. Футболчининг “доричилар” билан шартномаси 2025 йилгача мўлжалланган.