"Bayer" vingeri Mussa Diabi "Manchester Yunayted"ning qiziqishlari ro‘yxatida.
"Qizil iblislar" avvalroq ham fransiyalik futbolchiga da’vogarlar qatorida paydo bo‘lgan, biroq bu masala rasmiy muzokaralarga kelmagan. Jurnalist Adrian Kayumbaning so‘zlariga ko‘ra, ingliz grandi yana bir bor 24 yoshli futbolchini transfer maqsadlari qatoriga kiritgan.
Transfermarkt tomonidan 50 million yevroga baholangan Mussa Diabi o‘tgan mavsumda "Bayer" tarkibida 48 o‘yinda 14 gol va 11 golga assistentlik qilgan. Futbolchining “dorichilar” bilan shartnomasi 2025 yilgacha mo‘ljallangan.