Эртага, 3 ноябрдан бошлаб БААнинг Рас ал-Хайма ва Фужайра шаҳарларида 19 ёшгача бўлган ёшлар ўртасида Осиё чемпионати бошланади.
Биз учун ёқимли томони, ҳамюртимиз Авазбек Бердиқулов ушбу мусобақа директори ҳисобланади. У бугун бўлиб ўтган ташкилий қўмита йиғилишида иштирок этди.
Авазбек Бердиқулов бир неча йиллардан бери ОФКнинг мусобақаларни ўтказиш департаментида фаолият юритиб келади. У ОФК тасарруфидаги бир неча мусобақалар директори сифатида фаолият олиб борган. Шунингдек, ҳамюртимиз Эронда бўлиб ўтган ўсмирлар ўртасидаги қитъа чемпионатида ҳам ташкилий қўмита аъзоси сифатида ишлаганди. 
