"ПСЖ" ҳужумчи Килиан Мбаппенинг кетишига ҳозирлик кўрмоқда. 24 ёшли ҳужумчи клуб билан янги шартнома имзолашдан бош тортди ва шу ёзда Парижни тарк этиши мумкин. Футболчининг хизматларига Мадриднинг “Реал” клуби қизиқиш билдирмоқда.
Mundo Deportivo хабарига кўра, "ПСЖ"да Мбаппенинг ўрнини Португалия терма жамоаси ва Лиссабоннинг "Бенфика" жамоаси ҳужумчиси Гонсалу Рамуш эгаллаши мумкин. Португалия клуби футболчи учун тахминан 80 миллион евро таклиф қилса, уни сотишга тайёр бўлади.
Ўтган мавсумда Гонсалу лиссабонликлар сафида 47та ўйинда қатнашиб, 27та гол ва 5та голли узатмага муаллифлик қилган.
