Ҳуқуқлари "Порту"га тегишли бўлган 30 ёшли эронлик ҳужумчи Меҳди Тареми фаолиятини Италия чемпионатида давом эттириши мумкин. Бу ҳақда журналист Жанлука ди Марцио ўз сайтида хабар берган.

Манбага кўра, Таремига энди "Интер" ҳам қизиқиш билдирган, аввалроқ унга "Милан" бефарқ эмаслиги ҳақида хабар берган эдик. Ўз навбатида, "Порту" эронлик футболчи учун 30 миллион евро таклиф қилса, у билан хайрлашишга тайёр.

Меҳди 2020 йилдан буён “аждарлар” шарафини ҳимоя қилиб келади. Ҳужумчи ўтган мавсумда Португалия жамоаси сафида 51 ўйинда майдонга тушиб, 31 гол урди ва 14 голга ассистентлик қилган. Унинг шартномаси 2024 йилнинг ёзига қадар мўлжалланган.