Huquqlari "Portu"ga tegishli bo‘lgan 30 yoshli eronlik hujumchi Mehdi Taremi faoliyatini Italiya chempionatida davom ettirishi mumkin. Bu haqda jurnalist Janluka di Marsio o‘z saytida xabar bergan.
Manbaga ko‘ra, Taremiga endi "Inter" ham qiziqish bildirgan, avvalroq unga "Milan" befarq emasligi haqida xabar bergan edik. O‘z navbatida, "Portu" eronlik futbolchi uchun 30 million yevro taklif qilsa, u bilan xayrlashishga tayyor.
Mehdi 2020 yildan buyon “ajdarlar” sharafini himoya qilib keladi. Hujumchi o‘tgan mavsumda Portugaliya jamoasi safida 51 o‘yinda maydonga tushib, 31 gol urdi va 14 golga assistentlik qilgan. Uning shartnomasi 2024 yilning yoziga qadar mo‘ljallangan.
