"Manchester Yunayted" jamoasining markaziy yarim himoyachisi Kobbi Maynu portugaliyalik mutaxassis Ruben Amorim qo‘l ostida o‘ynagan davridagi ruhiy holati va o‘sha paytdagi qiyinchiliklar haqida ochiq-oydin gapirib berdi.
Eslatib o‘tamiz, Amorim "qizil iblislar"ni 2024 yilning noyabridan 2025 yilning yanvariga qadar boshqargan va qisqa muddatda jamoani tark etgan edi. Undan so‘ng boshqaruv jilovini qo‘lga olgan Maykl Kerrik davrida esa 21 yoshli xavbek qayta tug‘ildi va ko‘proq o‘yin amaliyotiga ega bo‘lib, asosiy tarkibning muhim figurasiga aylandi.
"Amorim davridagi voqealar men uchun o‘zimni anglash, o‘yinni tushunish va sabr qilish nuqtai nazaridan katta dars bo‘ldi. To‘g‘risini aytaman, hatto zaxiradan maydonga tushmaslik ham odamga juda og‘ir botar ekan. Ammo oilam va yaqin do‘stlarim o‘sha vaziyatda meni qo‘llab-quvvatlab, tonnel oxiridagi yorug‘likni ko‘rishimga yordam berishdi, deb ayta olaman", — deya Maynuning so‘zlarini keltirmoqda "Sky Sports" nashri.
Ma’lumot uchun, iqtidorli yarim himoyachi joriy mavsumda Angliya Premyer-ligasi doirasida 26 ta uchrashuvda maydonga tushib, o‘z hisobiga 1 ta gol va 2 ta golli uzatmani yozdirib qo‘ygan.
