«Barselona» bosh murabbiyi Hansi Flik jamoaning yangi markaziy hujumchi xarid qilish borasidagi rejalari hamda «Atletiko» forvardi Xulian Alvaresga qiziqish haqidagi savolga javob berdi.
Germaniyalik mutaxassis La Ligadagi yangi mavsumning ilk uchrashuvi — «Elche»ga qarshi o‘yin oldidan o‘tkazilgan matbuot anjumanida boshqa klub futbolchilarini muhokama qilishni istamasligini ta’kidladi.
«Men boshqa klublarga tegishli futbolchilar haqida gapirmayman. Biz faqat o‘z jamoamiz futbolchilari haqida gapiramiz.
Men va Deku har kuni muloqot qilamiz. Bizning vazifamiz — jamoani yanada kuchaytirish va hamma narsani klub hamda jamoa manfaatlari uchun qilish.
Bu biror futbolchi yoki men haqimda emas — hamma narsa jamoa uchun.
Men, Deku va yana bir necha kishi jamoaga aynan nima kerakligini aniq bilamiz. Bu juda muhim. Deku ajoyib ish qilmoqda», — dedi Flik.
