Superliga 18-turidan o‘rin olgan "Paxtakor" – "Surxon" uchrashuvining so‘nggi daqiqalarida bahsli vaziyat yuzaga keldi. Bahs 0:0 hisobida yakunlangan.

90+4-daqiqada "Paxtakor" gol urdi. VAR tekshiruvidan so‘ng "Paxtakor"ning 17-raqamli futbolchisi to‘p uzatilgan paytda ofsayd holatida bo‘lgani va to‘p uchun faol kurash olib borgani haqida bosh hakamga ma’lum qilindi. Shundan so‘ng gol bekor qilindi.

Biroq keyinchalik ushbu epizodda VAR hakami xatoga yo‘l qo‘ygani ma’lum qilindi. Xususan, vaziyat talqin talab qilgani sabab VAR hakami bosh hakamni monitor yordamida epizodni shaxsan qayta ko‘rib chiqishga chaqirishi kerak edi. Ammo bu amalga oshirilmagan.