Turkiya Superligasining 2-turida "Trabzonspor" o‘z maydonida "Istanbul Bashakshehir"ni 2:1 hisobida mag‘lub etdi.

Bahs shiddatli boshlandi. 8-daqiqada Muhammad Saloh mezbonlarni oldinga olib chiqdi. Ammo "Bashakshehir" tez orada javob qaytardi. 19-daqiqada belgilangan penaltini Eldor Shomurodov aniq amalga oshirib, hisobni tenglashtirdi.

Tanaffusdan keyin ham "Trabzonspor" faolroq harakat qildi. 48-daqiqada Ernest Muchi uzatmasidan keyin Saloh ikkinchi bor raqib darvozasini ishg‘ol etdi. Qolgan vaqtda mehmonlar hisobni tenglashtirishga urindi, biroq mezbonlar ustunlikni saqlab qoldi.

Uchrashuvning asosiy qahramoni Muhammad Saloh bo‘ldi. Turkiya chempionatida ilk bor asosiy tarkibda maydonga tushgan misrlik hujumchi dubl qayd etib, "Trabzonspor"ga mavsumdagi birinchi g‘alabani keltirdi. Bu Salohning Superligadagi dastlabki gollari bo‘ldi.

O‘zbekiston milliy jamoasi futbolchilari Eldor Shomurodov va Abbosbek Fayzullayev "Bashakshehir"ning boshlang‘ich tarkibidan joy oldi. Shomurodov penaltidan gol urgan bo‘lsa, Fayzullayev 58-daqiqada Devi Zelkega o‘rnini bo‘shatib berdi.

Mazkur natijadan keyin "Trabzonspor" ochkolari sonini 4 taga yetkazdi. "Bashakshehir" esa 3 ochkoda qoldi.