«Espanyol» bosh murabbiyi Manolo Gonsales La Liganing 2-turida «Real»ga qarshi kechgan uchrashuvda (1:2) Vinisius Juniorga nisbatan harakatlarni nomaqbul deb atagan madridliklar ustozi Joze Mourinyuning so‘zlariga munosabat bildirdi.

Uchrashuv boshida «Espanyol» yarim himoyachisi Aleks Kalatrava qoidabuzarlikdan keyin yerda yotgan Vinisiusning orqasiga oyog‘i bilan tepdi.

«Jin ursin, agar unga tegish ham mumkin bo‘lmasa... Axir bu futbol. Men haddan tashqari qo‘pol birorta folni ko‘rmadim. Hozirgi futbolda o‘yinchiga xavf tug‘diradigan bunday harakatlar yo‘q. Unga nisbatan qilingan follar oddiy holat edi va hech kim ularni ataylab sodir etmadi. Bular boshqa futbolchilar bilan ham sodir bo‘ladigan o‘yin epizodlari.

Hakamlik hech qanday holatda o‘yinning borishiga ta’sir qilmadi, ammo meni vaziyatlarni baholash mezonlari xavotirga solmoqda. Biz har safar to‘pni yon chiziqdan o‘yinga kiritganimizda, bizga qarshi fol qayd etildi, ularga esa bir marta ham yo‘q. Bir xil harakatning birida qoidabuzarlik qayd etilib, boshqasida qayd etilmasa, bu odamni aqldan ozdiradi», — deya Gonsalesning so‘zlarini keltiradi RMC Sport.