«Manchester Siti» hujumchisi Erling Xoland Angliya Premyer-ligasidagi yangi mavsumning ilk uchrashuvi oldidan imijini keskin o‘zgartirib, muxlislarini hayratda qoldirdi.
Norvegiyalik to‘purar ijtimoiy tarmoqlarda kalta qilib olingan yangi soch turmagidagi suratlarini e’lon qildi. Shu tariqa, uzun sochlari bilan tanilgan Xoland yangi mavsum oldidan tashqi ko‘rinishini butunlay o‘zgartirishga qaror qildi.
«Yangi mavsum — yangi soch turmagi», — deb yozdi Xoland suratlarga izoh qoldirar ekan.
Muxlislar izohlarda futbolchining yangi ko‘rinishidan hayratlanganini yashirmadi. Ayrim fanatlar Xolandni uzun sochlarisiz ko‘rib, hatto shokka tushganini bildirgan.
