«Манчестер Сити» ҳужумчиси Эрлинг Холанд Англия Премьер-лигасидаги янги мавсумнинг илк учрашуви олдидан имижини кескин ўзгартириб, мухлисларини ҳайратда қолдирди.
Норвегиялик тўпурар ижтимоий тармоқларда калта қилиб олинган янги соч турмагидаги суратларини эълон қилди. Шу тариқа, узун сочлари билан танилган Холанд янги мавсум олдидан ташқи кўринишини бутунлай ўзгартиришга қарор қилди.
«Янги мавсум — янги соч турмаги», — деб ёзди Холанд суратларга изоҳ қолдирар экан.
Мухлислар изоҳларда футболчининг янги кўринишидан ҳайратланганини яширмади. Айрим фанатлар Холандни узун сочларисиз кўриб, ҳатто шокка тушганини билдирган.
