"ПСЖ" Лиссабоннинг "Бенфика" клуби ҳужумчиси Гонсалу Рамушни қўлга киритганидан сўнг, трансфер бозоридаги ҳаракатларни ёпиш ниятида эмас. Парижликлар ҳозирда Франкфуртнинг “Айнтрахт” клуби футболчиси бўлган Рандал Коло-Муани билан шартнома тузиш билан банд, деб хабар беради L'Equipe.
Германия жамоаси футболчиси "ПСЖ"га ўтишга қарши эмас, шунинг учун шахсий шартнома муаммо бўлмайди. Вазиятни француз учун 100 миллион евро олмоқчи бўлган "Айнтрахт"нинг талаблари мураккаблаштиради.
Коло-Муани Бундеслигада бор-йўғи бир мавсум ўтказди, аммо бу даврда у 32 учрашувда 15 та гол урди ва 11 та голли узатмани амалга оширди.
