"Челси" ҳужумчиси Ромелу Лукаку ушбу трансфер ойнасида Туриннинг "Ювентус" клубига ўтишга умид қилмоқда. Бу ҳақда Италиянинг Il Corriere dello Sport нашри хабар бермоқда.
Эслатиб ўтамиз, яқинда "Челси" Лукакуни "Ювентус" ҳужумчиси Душан Влаховичга алмаштирмоқчи эмаслиги маълум бўлганди. Бундай келишув Ромелу учун Туринга кўчиб ўтишнинг ягона йўли эди, чунки "кекса синьора"да алоҳида трансфер учун пул йўқ. "Ювентус" Влаховични трансфер ойнасининг қолган кунларида сотса, вазият ўзгариши мумкин.
Аввалроқ "Челси" Лукаку учун 50 миллион евро миқдорида пул талаб қилганди. Бельгиялик футболчи Саудия Арабистонидаги клубларнинг нишонида қолмоқда, аммо у ерга кўчиб ўтишни истамаяпти.
