"Монца" бошқаруви раиси Адриано Галлиани Италия терма жамоасига Лучано Спалетти бош мураббий этиб тайинлангани ҳақида гапирди.
64 ёшли мураббийнинг тайинланиши Роберто Манчини "скуадрадзурра" бошқарувидан кетганидан кўп ўтмай маълум бўлди. “Наполи”нинг собиқ устози сентябрь ойи бошида терма жамоа билан ишлай бошлайди.
“Менимча, бу терма жамоа учун тўғри танлов. Манчини кетишини ҳеч ким кутмаган, аммо Спаллетти ажойиб мураббий. У ўз қадрини исботлади, ўйинни аниқ тасаввур қилади. У билан Италия терма жамоаси яхши ўйнайди", - деди Галлиани TMW нашрига берган интервьюсида.
9 сентябрь куни Лучано Спалетти шогирдлари Евро-2024 саралаши доирасида Шимолий Македония терма жамоасига қарши майдонга тушади.
