"Реал" ярим ҳимоячиси Лука Модрич жамоага янги келган Арда Гюлернинг иқтидорига юқори баҳо берди.
Туркиялик ҳужумкор ярим ҳимоячини июль ойи бошида Ла Лига гранди “Фенербахче”дан 20 миллион еврога сотиб олганди. 18 ёшли футболчи ҳали "қаймоқранглилар" сафида дебют ўйинини ўтказгани йўқ, чунки у жароҳатни даволашда давом этмоқда.
“Арда ажойиб истеъдод эгаси, буни жароҳат олдидан машғулотлар давомида кўришимиз мумкин эди. У ажойиб футбол кўрсатади, тўп билан ўзгача муомала қилади. Гюлер жуда ёқимли ва камтарин йигит, доимо янги нарсаларни ўрганишга интилади", - деди 38 ёшли хорват.
