8 сентябрдан 9 сентябрга ўтар кечаси ЖЧ-2026 саралаш босқичи доирасида Бразилия ва Боливия терма жамоалари ўртасидаги ўйин бўлиб ўтди ва «Селесао» йирик 5:1 ҳисобида ғалаба қозонди. Голларга Неймар, Родриго ҳамда Рафинья муаллифлик қилди.
Бу ўйин «Тоттенхэм» ҳужумчиси Ришарлисон учун омадсиз бўлиб чиқди. У ҳеч қандай гол ура олмади ва иккинчи бўлимнинг ўрталарида алмаштирилди. Ҳужумчи ўзини захира ўриндиғида кўриб, ҳафсаласи пир бўлиб йиғлаб юборди.
Бразилиянинг навбатдаги саралаш ўйини Перуга қарши меҳмонда бўлади.
