“Интер” ҳимоячиси Хуан Куадрадо Колумбия терма жамоаси учун ўйинда жароҳат олди.
35 ёшли футболчи ЖЧ-2026 саралаш босқичининг биринчи ўйинини Венесуэлага қарши ўтказди, аммо танаффусда алмаштирилди. Football Italia хабарига кўра, Куадрадо мушакларидаги муаммолар туфайли ўйинни давом эттира олмади. Шу тариқа, латералнинг А Серия доирасида 16 сентябрь куни бўлиб ўтадиган "Милан"га қарши ўйинда иштирок этиши сўроқ остида қолмоқда.
Хуан Куадрадо ушбу мавсумда "нерадзуррилар"нинг учта ўйинида қатнашиб, битта голли узатмани амалга оширди. Ёзда футболчи эркин агент сифатида "Ювентус"дан кўчиб ўтганди.