Россия терма жамоаси иккинчи ўртоқлик учрашувида Миср олимпия терма жамоасини мағлуб эта олмади – 1:2. Учрашув Сувайшда бўлиб ўтди.
Россия терма жамоаси ҳужумчиси Сергей Пиняев 7-дақиқада ҳисобни очди. У 11 метрлик зарбани голга айлантирди.
Иккинчи бўлимда мисрлик футболчилар иккита гол уришди. 68-дақиқада Аҳмад Фавзи ҳисобни тенглаштирган бўлса, орадан 4 дақиқа ўтиб Араби Бадр жамоасини ҳисобда олдинга олиб чиқди.
Россия ва Миср терма жамоалари ўртасидаги илк ўртоқлик учрашуви 7 сентябрида куни бўлиб ўтган ва дуранг (1:1) билан якунланган эди.
Россия терма жамоаси навбатдаги учрашувини 12 сентябрь, сешанба куни Қатар термасига қарши ўтказади. Ўйин Ал-Вакра шаҳридаги "Ал Жануб" стадионида бўлиб ўтади.
