Ўзингизга маълум, "Насаф" 18 сентябр куни ОЧЛ гуруҳ босқичида ўз юришини бошлайди. Ушбу мавсумдаги илк рақиб Иорданиянинг "Ал-Файсали" жамоаси бўлади. Ушбу рақиб "Насаф" учун бегона рақиб ҳисобланмайди. Қаршиликлар Иордания жамоаси билан 2011 йил ОФК кубогида ҳамда 2018 йил ОЧЛ гуруҳ босқичига чиқиш ўйинларида ўзаро рўбарў келган.
2011 йил ОФК Кубоги 1/8 финалида жамоамиз Қаршида 2:1 ҳисобида ғалаба қозонганди. Ушбу беллашувда Лутфулла Тўраев ва Илҳом Шомуродовларнинг голлари эвазига “Насаф” нимчорак финалига йўл олган. Меҳмонларнинг ягона голига Анас Ҳижаҳ муаллифлик қилган.
Ушбу жамоалар орадан етти йил ўтиб, 2018 йил ОЧЛ гуруҳ босқичига чиқиш йўлланмаси учун курашишган. Қаршида бўлиб ўтган беллашувда "Насаф" йирик 5:1 ҳисобида ғалаба қозонган. Учрашувдаги голларига Игорь Голбан, Бобир Абдихолиқов, Азизжон Ғаниев ва Драган Черанлар муаллифлик қилишган бўлса, Ясер Ал Равшдеҳ автогол эгасига айланган. Албан Меҳа уммонликларнинг ягона жавоб голини киритган.
“Насаф” ҳозиргача Иордания жамоаларига ютқазмаган. Ишонамизки бу яхши анъана давом эттирилади.
