O‘zingizga ma’lum, "Nasaf" 18 sentyabr kuni OCHL guruh bosqichida o‘z yurishini boshlaydi. Ushbu mavsumdagi ilk raqib Iordaniyaning "Al-Faysali" jamoasi bo‘ladi. Ushbu raqib "Nasaf" uchun begona raqib hisoblanmaydi. Qarshiliklar Iordaniya jamoasi bilan 2011 yil OFK kubogida hamda 2018 yil OCHL guruh bosqichiga chiqish o‘yinlarida o‘zaro ro‘baro‘ kelgan.
2011 yil OFK Kubogi 1/8 finalida jamoamiz Qarshida 2:1 hisobida g‘alaba qozongandi. Ushbu bellashuvda Lutfulla To‘rayev va Ilhom Shomurodovlarning gollari evaziga “Nasaf” nimchorak finaliga yo‘l olgan. Mehmonlarning yagona goliga Anas Hijah mualliflik qilgan.
Ushbu jamoalar oradan yetti yil o‘tib, 2018 yil OCHL guruh bosqichiga chiqish yo‘llanmasi uchun kurashishgan. Qarshida bo‘lib o‘tgan bellashuvda "Nasaf" yirik 5:1 hisobida g‘alaba qozongan. Uchrashuvdagi gollariga Igor Golban, Bobir Abdixoliqov, Azizjon G‘aniyev va Dragan Cheranlar mualliflik qilishgan bo‘lsa, Yaser Al Ravshdeh avtogol egasiga aylangan. Alban Meha ummonliklarning yagona javob golini kiritgan.
“Nasaf” hozirgacha Iordaniya jamoalariga yutqazmagan. Ishonamizki bu yaxshi an’ana davom ettiriladi.
