Дам олиш кунларида Голландия чемпионатида «Аякс» ва «Фейеноорд» ўзаро ўйинни якунлай олишмади.

Учрашувнинг 55-дақиқасида 0:3 ҳисоби қайд этилиб, мухлислар пиротехника воситаларини иккинчи марта майдонга ташлашни бошлаганларида, ҳакам ниҳоят жамоаларни майдондан олиб чиқди.

Чоршанба куни ўйин томошабинларсиз якунланди. Қайта бошлашдан кўп ўтмай, «Фейеноорд» ҳужумчиси Сантяго Хименес хет-трик қайд этди ва ҳисобни 0:4 кўринишига келтирди. Финал ҳуштаги янграганидан кейин бу рақамлар Амстердамдаги таблода ёниб турди.

Opta хабарига кўра, Сантяго Хименес Эредивизия тарихида «Аякс»га қарши сафар ўйинида хет-трик қайд этган биринчи футболчи бўлди.