«Селтик» мухлислари Фаластинни қўллаб-қувватловчи баннерни намойиш қилишди.
Шанба куни бўлиб ўтган Шотландия чемпионатининг «Килмарнок»га қарши ўйинида (3:1) глазголик мухлислар «Фаластинга эркинлик, қаршилик учун ғалаба» баннерини осиб қўйишди.
Эслатиб ўтамиз, 7 октябрь куни эрталаб Ғазо секторини назорат қилаётган ҲАМАС ҳаракати Исроилга ҳужум қилган эди. Айни вақтда Исроил авиацияси Ғазо секторидаги ХАМАС кучларига зарбалар бермоқда.
Сўнгги маълумотларга кўра, Исроилда камида 300 киши ҳалок бўлган, 1800 дан ортиқ киши жароҳатланган.
«Селтик» мухлислари Фаластинни мунтазам қўллаб-қувватлашлари билан машҳур. Улар илк шундай ҳаракатни 2016 йилда Исроилнинг «Хапоэл» клуби билан ўйинда амалга оширишган.
