Германиялик ярим ҳимоячи Тони Кроос "Реал" билан янги шартнома имзолаши мумкин, бу ҳақда Todofichajes портали хабар бермоқда.

Манбанинг хабарига кўра, испан гранди раҳбарияти 33 ёшли германиялик футболчига 2025 йилнинг ўрталарига қадар амал қиладиган янги шартнома таклиф қилмоқчи. Крооснинг "Реал" билан амалдаги шартномаси келаси йилнинг июнь ойи охирида тугайди. У 2014 йилнинг ёзидан буён "қироллик клуби" шарафини ҳимоя қилиб келмоқда.

Испания чемпионатининг жорий мавсумида Тони 9 та ўйинда майдонга тушиб, битта гол ва иккита голли узатмани амалга оширди.