Германиялик функционер Макс Эберль Англия Премьер-лигасининг топ-клубида иш бошлаши мумкин, деб хабар бермоқда Bild журналистлари. Унинг хизматларига "Ливерпуль" қизиқиш билдирмоқда.
Мерсисайдликларнинг у учун курашдашдаги рақиби "Бавария" бўлиб, у ҳам менеджерга қизиқиш билдирмоқда. Бундеслига чемпиони аллақачон у билан музокарага киришган.
Эберлнинг сўнгги иш жойи "РБ Лейпциг" бўлган. Функционер шу йилнинг сентябрь ойи охирида клубни тарк этганди.
Эслатиб ўтамиз, Йорг Шмадтке июнь ойидан бери “Ливерпул” спорт директори лавозимида ишлаб келмоқда. Унинг клуб билан тузилган меҳнат шартномаси муддати ошкор этилмаган.
