Криштиану Роналду кеча ўз дубли билан Словакияни таслим қилди: аввалига у пенальтидан гол урди, кейин Бруно Фернандешнинг узатмасини голга айлантирди.
Клублар миқёсида аста-секин унутиб юборилаётгандир, аммо халқаро миқёсда суперюлдуз шовқин кўтаришга тайёр.
«Генетик жиҳатдан мен ўзимни 30 ёшда ҳис қиляпман». Криштиану аллақачон 38 ёшга тўлганига умуман аҳамият бермади.
Муҳим дубл ортида ҳайратланарли тафсилот яширинган эди: Роналду терма жамоа сафида 30 ёшдан кейин ўзининг 73-голини урди. 192 давлатдан бирорта футболчи бу кўрсаткичга эриша олмаган, деб ёзди The Athletic журналисти Уилл Женс. У гол урган рўйхатда бир нечта топ жамоалар бор: Германия, Франция, Италия, Англия, Испания, Нидерландия, Хорватия ва бошқалар. Умуман олганда, Роналду терма жамоа сафида 125 та гол урган - у икки йил аввал ўрнатилган ўз рекордини янгилади. Эронлик Али Даи 17 та, Лионель Месси эса португалдан 21 та голга ортда қолмоқда. Яна бир муҳим жиҳат шундаки, Криштиану 30 ёшга тўлмасдан туриб Португалия термаси учун 52 та гол урган - бу етук ёшга нисбатан анча кам дегани.
«Генетик жиҳатдан мен ўзимни 30 ёшга киргандек ҳис қиляпман», деди Криштиану 2022 йилнинг январида. - Мен танам ва онгимга яхши ғамхўрлик қиламан. Мен яқинда англадимки, 33 йилдан кейин яхши ишлов берилган тана ҳар қандай муаммони ҳал қила олади, аммо ҳақиқий жанг бу ақлнинг жангидир».
Қизиқарли тафсилот: 2015 йилда Роналду ўзини 25 ёшда (ўша пайтда у 29 ёшда эди) ҳис қилишини айтганди. Яъни, 8 йил ичида у генетик жиҳатдан 5 ёшни яшади деб юмор ишлатсак бўлади. Вақт у ҳаракатланганда секинлашиб бораверар экан! «Порту» президенти Кришга 1000 та гол уришни таклиф қилди. Энди Криштианунинг янги мақсади бор. Роналду Португалияга муддатидан олдин Евро-2024га чиқишга ёрдам берди, шунингдек, муҳим ютуққа ҳам эришди: эндиликда унинг фаолиятида пенальтиларни ҳисобга олмаганда 700 та гол бор. Криштиану ўз олдига янги мақсадлар қўяди. «Кеча биз «Порту» президенти Пинту да Кошта билан гаплашдик ва у менга 1000 та гол уришни таклиф қилди. Лекин 1000 га етмасдан олдин 900 га эришмоқчиман. 900 та голга ишончим комил, лекин 1000 та гол учун бир нечта тўсиқларни енгиб ўтишим керак бўлади», – деди Роналду. Ҳозир португалияликнинг ҳисобида 857 та гол бор - юбилей олдидан 143 та тўп уни кутиб турибди. Криштиану нафақат «Ан-Наср»ни тортиб юрибди (мавсумдаги 11 та ўйинда 11 та гол ва 6 та голли узатма), шунингдек, терма жамоадан кетиш нияти ҳам йўқ. «Умид қиламанки, Евро-2024га яхши кайфиятда бораман, чунки турнир бошланишига ҳали кўп вақт бор. Умид қиламанки, менда ҳеч қандай муаммо ёки жароҳатлар йўқ, мен у ерда ўйнашни хоҳлайман», - дея ҳаяжонланиб гапирди Роналду.
Роберто Мартинес қўл остида Португалия 7 учрашувнинг барчасида ғалаба қозонди (27:2). Роналду 7 та гол урди, мураббий унинг ўйинларидан хурсанд. «Криштиану яхши формада, кўп ўйин ўтказишга иштиёқманд ва клуби учун ҳам кўп гол урмоқда. У терма жамоада ўйнашда катта тажрибага эга, у ёш йигитларни руҳлантиради ва намуна бўлиб хизмат қилади», - деди Мартинес.
Бизнингча ҳам улар биргаликда яхши ишлаётганга ўхшамоқда.
