«Интер» «Вест Хэм» ярим ҳимоячиси Томас Сучек ва «Лестер» ҳужумчиси Келечи Ихеначога қизиқиш билдирмоқда. Бу ҳақда Inter News хабар бермоқда.
Жорий мавсумда 28 ёшли Сучек «болғачилар» сафида 10 та ўйинда майдонга тушиб, 4 та гол урди ва битта голли узатмани амалга оширди. Аввалроқ «Интер» чехиялик футболчини эркин агент сифатида қўлга киритмоқчи экани ҳақида хабар берилганди.
27 ёшли Ихеначо «Лестер» сафида 13 та ўйинда майдонга тушиб, 5 та гол ва 2 та голли узатмага муаллифлик қилган.
Transfermarkt портали Нигерия терма жамоаси футболчисини 18 миллион еврога баҳоламоқда.