"Байер" ярим ҳимоячиси Флориан Вирц мавсум охирида клубини ўзгартириши мумкин.
20 ёшли футболчи узоқ вақтдан бери жамоасида асосий рол ўйнаган, шунинг учун унинг сотилиши фақат вақт масаласи деб ҳисобланади.
Журналист Керри Хоунинг сўзларига кўра, "Байер" келаси ёзда Вирцни сақлаб қолиш жуда қийин бўлишини билади. Қайд этилишича, "доричилар" раҳбарияти аллақачон ёш немиснинг ўрнига ўринбосар қидирмоқда. Ҳужумкор ярим ҳимоячига даъвогарлар қаторида Ла Лига ва Англия Премьер-лигаси гигантлари, шунингдек, Мюнхеннинг “Бавария” клуби ҳам бор.
Transfermarkt портали Флориан Вирцнинг нархини 85 миллион еврога баҳоламоқда. Жорий мавсумда футболчи ўнта ўйинда учта гол урди ва тўртта голли узатмани амалга оширди.
