"Bayer" yarim himoyachisi Florian Virts mavsum oxirida klubini o‘zgartirishi mumkin.

20 yoshli futbolchi uzoq vaqtdan beri jamoasida asosiy rol o‘ynagan, shuning uchun uning sotilishi faqat vaqt masalasi deb hisoblanadi.

Jurnalist Kerri Xouning so‘zlariga ko‘ra, "Bayer" kelasi yozda Virsni saqlab qolish juda qiyin bo‘lishini biladi. Qayd etilishicha, "dorichilar" rahbariyati allaqachon yosh nemisning o‘rniga o‘rinbosar qidirmoqda. Hujumkor yarim himoyachiga da’vogarlar qatorida La Liga va Angliya Premyer-ligasi gigantlari, shuningdek, Myunxenning “Bavariya” klubi ham bor.

Transfermarkt portali Florian Virtsning narxini 85 million yevroga baholamoqda. Joriy mavsumda futbolchi o‘nta o‘yinda uchta gol urdi va to‘rtta golli uzatmani amalga oshirdi.