«Atletiko» bosh murabbiyi Diyego Simeone jamoa hujumchisi Xulian Alvaresning mashg‘ulotlarda ishtirok etmayotgani haqidagi xabarlarga munosabat bildirdi.
Avvalroq argentinalik futbolchi kasallikni sabab qilib, uch kundan buyon «Atletiko» bilan mashg‘ulot o‘tkazmayotgani xabar qilingan edi.
«Barcha savollar Xulian haqida bo‘lishini tushunaman. Ammo hozir men butun e’tiborimni «Sevilya»ga qarshi o‘yinga qaratganman. Xulian bu uchrashuvda maydonga tusha olmaydi», — dedi Simeone matbuot anjumanida.
Ispaniya La Ligasi 3-turidan o‘rin olgan «Sevilya» — «Atletiko» uchrashuvi 29 avgust, shanba kuni bo‘lib o‘tadi.
