«Атлетико» бош мураббийи Диего Симеоне жамоа ҳужумчиси Хулиан Альвареснинг машғулотларда иштирок этмаётгани ҳақидаги хабарларга муносабат билдирди.
Аввалроқ аргентиналик футболчи касалликни сабаб қилиб, уч кундан буён «Атлетико» билан машғулот ўтказмаётгани хабар қилинган эди.
«Барча саволлар Хулиан ҳақида бўлишини тушунаман. Аммо ҳозир мен бутун эътиборимни «Севилья»га қарши ўйинга қаратганман. Хулиан бу учрашувда майдонга туша олмайди», — деди Симеоне матбуот анжуманида.
Испания Ла Лигаси 3-туридан ўрин олган «Севилья» — «Атлетико» учрашуви 29 август, шанба куни бўлиб ўтади.
