«Tvente» himoyachisi Ryud Neystad faoliyatini top-klubda davom ettirishi mumkin. Bu haqda Voetbal International xabar berdi.

Manbaga ko‘ra, «Barselona» 18 yoshli markaziy himoyachining transferi bo‘yicha taklif bilan chiqqan, ammo niderlandiyalik klub bu taklifni rad etgan. Transfer oynasi yopilguniga qadar kataloniyaliklar yaxshilangan taklif bilan chiqishi istisno qilinmayapti.

Ryud Neystad joriy mavsumda «Tvente» safida 6 ta uchrashuvda maydonga tushdi va natijali harakatlari bilan ajralib turmadi. Uning klub bilan shartnomasi 2029 yil 30 iyuniga qadar amal qiladi.