«Твенте» ҳимоячиси Рюд Нейстад фаолиятини топ-клубда давом эттириши мумкин. Бу ҳақда Voetbal International хабар берди.
Манбага кўра, «Барселона» 18 ёшли марказий ҳимоячининг трансфери бўйича таклиф билан чиққан, аммо нидерландиялик клуб бу таклифни рад этган. Трансфер ойнаси ёпилгунига қадар каталонияликлар яхшиланган таклиф билан чиқиши истисно қилинмаяпти.
Рюд Нейстад жорий мавсумда «Твенте» сафида 6 та учрашувда майдонга тушди ва натижали ҳаракатлари билан ажралиб турмади. Унинг клуб билан шартномаси 2029 йил 30 июнига қадар амал қилади.
