Аргентиналик юлдуз футболчи Лионель Мессининг рафиқаси Антонелла Рокуццо айни пайтда Нью-Йоркда ўтаётган нуфузли US Open теннис турнирига ташриф буюрди. У ижтимоий тармоқларда аренада тушган суратларини эълон қилди.
Ушбу пост изоҳларида португалиялик ҳужумчи Криштиану Роналдунинг севгилиси Жоржина Родригеснинг муносабати ҳам кўзга ташланди.
«Қандай гўзал», — деб ёзди Жоржина Мессининг рафиқаси эълон қилган суратлар остида.
Эслатиб ўтамиз, Лионель Месси айни пайтда АҚШнинг «Интер Майами» клуби сафида тўп тепмоқда. Криштиану Роналду эса Саудия Арабистонининг «Ал-Наср» жамоаси шарафини ҳимоя қилмоқда.
