«Реал» Чемпионлар лигасидаги илк учрашувини «Интер»га қарши ўтказади, аммо жамоа учта муҳим футболчисидан фойдалана олмайди. Арда Гюлер, Эдуарду Камавинга ва Бернарду Силва дисквалификация сабаб мазкур баҳсни ўтказиб юборади.
Учала футболчининг жазоси ҳам турнирининг ўтган мавсумидаги интизомий ҳолатлардан қолган. УЕФА ҳар мавсум якунлангач тўпланган сариқ карточкаларни бекор қилади, аммо қизил карточка натижасидаги дисквалификация кейинги мавсумга ҳам ўтади.
Арда Гюлер ва Эдуарду Камавинга «Реал»нинг «Бавария»га қарши чорак финал баҳсида иккинчи сариқ карточкадан сўнг майдондан четлатилган эди. Шу сабаб ҳар икки футболчи бир ўйинлик дисквалификацияни ўташи керак.
Бернарду Силва эса ҳали «Манчестер Сити» сафида тўп тепаётган вақтда Чемпионлар лигаси 1/8 финалининг «Реал»га қарши жавоб учрашувида голни қўл билан тўсгани учун тўғридан-тўғри қизил карточка олган.
Агар УЕФА истисно тариқасида жазони бекор қилмаса, Жозе Моуринью 8 сентябрь куни «Сантьяго Бернабеу»да ўтадиган «Интер»га қарши муҳим учрашувда ушбу уч футболчидан фойдалана олмайди.
