"Бавария" дарвозабони Мануэль Нойер 21 октябрь куни "Майнц"га қарши майдонга қайтиши мумкин, деб хабар беради Kicker. Қайд этилишича, мюнхенлик шифокорлар унга ўйнашга рухсат беришган.
2022 йил декабрь ойида Нойер таътил пайтида чанғи учаётганда оёқ суягини синдириб олганди. У муваффақиятли операция қилинди ва 2022/23 йилги мавсумнинг қолган қисмини ўтказиб юборди.
29 август куни 37 ёшли германиялик умумий гуруҳда машғулотларга қайтгани маълум бўлди.