Дортмунднинг “Боруссия” клуби ҳужумчиси Юсуф Мукоко фаолиятини Испания чемпионатида давом эттириши мумкин. Бу ҳақда Fichajes журналистлари хабар бермоқда.
Манба берган хабарга кўра, 18 ёшли ҳужумчи хизматларига "Барселона" қизиқиш билдирмоқда. Мукокони "кўк-анорранглилар" 35 ёшли Роберт Левандовскининг ўрнига ўринбосар деб ҳисобламоқда.
Юсуфнинг Дортмунд клуби билан шартномаси 2026 йилнинг ўрталарига қадар тузилган. Transfermarkt унинг нархини 30 миллион еврога баҳоламоқда.