Кеча мамлакат U19 чемпионатида охирги – 24-тур учрашувлари бўлиб ўтди. Бекободнинг “Металлург U19” жамоаси сўнгги учрашувни “Андижон” жамоасидан тенгқурларига қарши ўтказиб, йирик – 7:1 ҳисобида ғалаба қозонди. Бекободликларнинг асосий рақиблари – “Насаф” ва “Машъал” Қаршидаги тўқнашувда дуранг ўйнаб, “Металлург U19” га чемпионлик эшикларини очиб беришди.
Бевосита ўйин тафсилотларига тўхталадиган бўлсак, учрашув майдон эгаларининг тўлиқ устунлиги остида ўтди. Биринчи таймнинг ўзидаёқ “Металлург” ёшлари рақиб даровзасига жавобсиз учта гол киритишиб, ўйин тақдирини ҳал этиб қўйишди. Бироқ танаффусда мураббийлар футболчиларга асло бўшашмасликни, сўнгги сонияларгача курашиш лозимлигини уқтиришди. Иккинчи бўлимда майдонга қайтган бекободлик ёшлар босимни янада оширишди ва мавсумдаги энг йирик ғалабасини расмийлаштиришди – 7:1.
Эътиборга молик жиҳати, мазкур учрашув Бекобод футболи фахри, “Геннадий Красницкий клуби” аъзоси, айни пайтда U21 жамоамиз мураббийлар штабида фаолият юритаётган Зоҳид Абдуллаевнинг фарзанди – Беҳруз Абдуллаевнинг бенефисига айланиб кетди. У 54 дақиқа оралиғида “покер”ни расмийлаштирди. Бугунги баҳсда шунингдек, Али Рихсибоев, Руслан Мангольд ва Равшанбек Абдуманноновлар муваффақият қозонишганини қайд этиш лозим.
Икки йил муқаддам “Металлург” футбол клуби қошида очилган “Эл Голасо” футбол академиясининг биринчи қалдирғочлари шоҳсупанинг юқори поғоансига кўтарилишди.
Ўзбекистон U19 чемпионати
25-тур, 31.10.2023 йил
"Металлург" – "Андижон" – 7:1 (3:0)
Голлар: Беҳруз Абдуллаев (7, 18, 52, 54), Али Рихсибоев (15), Руслан Мангольд (68), Равшанбек Абдуманнонов (71), Исломжон Раҳимов (86)
Ҳакамлар: Тўрабек Суюнов, Алишер Раҳимқулов, Адҳам Суннатов, Достон Раҳмонов.
Назоратчи: Қаҳрамон Юлдашев.
Комиссар: Ойбек Юнусов.
"Металлург U19": 98.Дилрух Алиев, 24.Рўзибой Файзуллаев (36.Мансур Шарипов, 75), 27.Равшанбек Абдуманнонов, 32.Зафарбек Раҳимжонов (92.Самандар Исломов, 75), 37.Шоҳруҳхон Мўминов (67.Муроджон Эркинов, 46), 38.Али Рихсибоев, 41.Бехруз Абдуллаев (83.Сайфиддин Мавлонов, 67), 42.Иброҳим Эргашалиев (58.Озодбек Эргашев, 67), 43.Руслан Монголд, 72.Самиржон Раббимов, 73.Азизбек Анваров (52.Жасур Жуманазаров, 75).
“Андижон U19": 82.Абдумалик Нурмуҳаммадов, 24.Абдусамад Ҳамиджонов (43.Элвис Шавкатов, 46), 32.Ҳабибулло Ҳабибуллаев, 45.Муҳаммадқодир Абдумаликов, 51.Муҳаммадюсуф Турғунов (48.Элнур Тўраев, 70), 71. Самандар Турсунбоев (52.Мавлонжон Муҳаммадалиев, 70), 74.Аббосбек Абдуғаффоров (с), 75.Исломжон Раҳимов, 78.Авазбек Рустамбеков (56.Алиёр Солижонов, 46), 79.Муҳаммаддиёр Маҳмудов (33.Билол Жумабоев, 46), 80.Самандарбек Мўминов (25.Шоҳислом Абдухалилов, 46).
Огоҳлантиришлар: Муҳаммадюсуф Турғунов (26), Озодбек Эргашев (69), Абдумалик Нурмуҳаммадов (72).
