Kecha mamlakat U19 chempionatida oxirgi – 24-tur uchrashuvlari bo‘lib o‘tdi. Bekobodning “Metallurg U19” jamoasi so‘nggi uchrashuvni “Andijon” jamoasidan tengqurlariga qarshi o‘tkazib, yirik – 7:1 hisobida g‘alaba qozondi. Bekobodliklarning asosiy raqiblari – “Nasaf” va “Mash’al” Qarshidagi to‘qnashuvda durang o‘ynab, “Metallurg U19” ga chempionlik eshiklarini ochib berishdi.
Bevosita o‘yin tafsilotlariga to‘xtaladigan bo‘lsak, uchrashuv maydon egalarining to‘liq ustunligi ostida o‘tdi. Birinchi taymning o‘zidayoq “Metallurg” yoshlari raqib darovzasiga javobsiz uchta gol kiritishib, o‘yin taqdirini hal etib qo‘yishdi. Biroq tanaffusda murabbiylar futbolchilarga aslo bo‘shashmaslikni, so‘nggi soniyalargacha kurashish lozimligini uqtirishdi. Ikkinchi bo‘limda maydonga qaytgan bekobodlik yoshlar bosimni yanada oshirishdi va mavsumdagi eng yirik g‘alabasini rasmiylashtirishdi – 7:1.
E’tiborga molik jihati, mazkur uchrashuv Bekobod futboli faxri, “Gennadiy Krasniskiy klubi” a’zosi, ayni paytda U21 jamoamiz murabbiylar shtabida faoliyat yuritayotgan Zohid Abdullayevning farzandi – Behruz Abdullayevning benefisiga aylanib ketdi. U 54 daqiqa oralig‘ida “poker”ni rasmiylashtirdi. Bugungi bahsda shuningdek, Ali Rixsiboyev, Ruslan Mangold va Ravshanbek Abdumannonovlar muvaffaqiyat qozonishganini qayd etish lozim.
Ikki yil muqaddam “Metallurg” futbol klubi qoshida ochilgan “El Golaso” futbol akademiyasining birinchi qaldirg‘ochlari shohsupaning yuqori pog‘oansiga ko‘tarilishdi.
O‘zbekiston U19 chempionati
25-tur, 31.10.2023 yil
"Metallurg" – "Andijon" – 7:1 (3:0)
Gollar: Behruz Abdullayev (7, 18, 52, 54), Ali Rixsiboyev (15), Ruslan Mangold (68), Ravshanbek Abdumannonov (71), Islomjon Rahimov (86)
Hakamlar: To‘rabek Suyunov, Alisher Rahimqulov, Adham Sunnatov, Doston Rahmonov.
Nazoratchi: Qahramon Yuldashev.
Komissar: Oybek Yunusov.
"Metallurg U19": 98.Dilrux Aliyev, 24.Ro‘ziboy Fayzullayev (36.Mansur Sharipov, 75), 27.Ravshanbek Abdumannonov, 32.Zafarbek Rahimjonov (92.Samandar Islomov, 75), 37.SHohruhxon Mo‘minov (67.Murodjon Erkinov, 46), 38.Ali Rixsiboyev, 41.Bexruz Abdullayev (83.Sayfiddin Mavlonov, 67), 42.Ibrohim Ergashaliyev (58.Ozodbek Ergashev, 67), 43.Ruslan Mongold, 72.Samirjon Rabbimov, 73.Azizbek Anvarov (52.Jasur Jumanazarov, 75).
“Andijon U19": 82.Abdumalik Nurmuhammadov, 24.Abdusamad Hamidjonov (43.Elvis Shavkatov, 46), 32.Habibullo Habibullayev, 45.Muhammadqodir Abdumalikov, 51.Muhammadyusuf Turg‘unov (48.Elnur To‘rayev, 70), 71. Samandar Tursunboyev (52.Mavlonjon Muhammadaliyev, 70), 74.Abbosbek Abdug‘afforov (s), 75.Islomjon Rahimov, 78.Avazbek Rustambekov (56.Aliyor Solijonov, 46), 79.Muhammaddiyor Mahmudov (33.Bilol Jumaboyev, 46), 80.Samandarbek Mo‘minov (25.SHohislom Abduxalilov, 46).
Ogohlantirishlar: Muhammadyusuf Turg‘unov (26), Ozodbek Ergashev (69), Abdumalik Nurmuhammadov (72).
