Лионель Месси МЛСнинг энг яхши янги футболчиси совринини қўлга кирита олмади.

Мукофот «Атланта Юнайтед» ҳужумчиси Георгис Якумакисга насиб этди. Грециялик футболчи МЛСнинг мунтазам мавсумида 28 та ўйин ўтказиб, 17 та гол урди, Лучано Акоста билан лига тўпурарлари рўйхатида юқори ўринни бўлишди.

Лионель Месси («Интер Майами») ва Эдуар Лювен («Сент-Луис Сити») ҳам «Энг яхши келган ўйинчи» соврини учун курашди.

Аргентиналик футболчи мавсумда 6 та ўйин ўтказиб, гол+пас тизимидан фойдаланган ҳолда 3 (1+2) очко жамғарди. Лювен ҳисобида 30 та ўйин ва 15 (6+9) очко бор.