Англиянинг "Манчестер Сити" клуби Чемпионлар лигаси плей-офф босқичига йўлланмани қўлга киритган биринчи клуб бўлди. Бу Швейцариянинг "Янг Бойз" жамоаси устидан қозонилган ғалабадан сўнг содир бўлди. Гвардиола шогирдлари рақиб дарвозасига жавобсиз учта гол уришди. Шунингдек, инглиз клубининг Европанинг энг нуфузли турниридаги мағлубиятсиз серияси ўн саккизта ўйинга етди.
"Манчестер Сити" охирги марта Чемпионлар лигасида 2022 йилнинг 5 майида "Реал"га қарши ярим финал учрашувида мағлуб бўлганди. Чемпионлар лигасида мағлубиятсиз ўтказилган ўн саккизта ўйин инглиз клублари учун рекорд ҳисобланади.
