Италия кубогининг чорак финал учрашувида «Ювентус» «Милан»ни қабул қилиб ғалаба қозонди ва ярим финал йўлланмасини қўлга киритди.

Туринликларнинг ғалабаси учун 120 дақиқалик учрашув лозим бўлди. Дастлаб «россонерлар»нинг бу мавсумдаги етакчи тўпурари Стефан Эл-Шараавий жамоасини ҳисобда олдинга олиб чиққанди, бироқ кўп ўтмай Себастьян Жовинко ўртадаги фарқни йўққа чиқарди.

Бу ҳисоб 90 дақиқа мобайнида бошқа ўзгармади. 30 дақиқалик қўшимча дақиқаларда Мирко Вучинич томонидан киритилган ягона гол «Ювентус»ни ярим финалга олиб чиқди.

Чорак финалнинг қолган ўйинлари кейинги ҳафтада бўлиб ўтади. Яна бир учрашув эса икки кун муқаддам бўлиб ўтганди ва унда «Лацио» ярим финалчига айланганди.

Италия Кубоги
1/4 финал

ЮВЕНТУС – МИЛАН 2:1 (1:1, 0:0, 1:0)
Голлар: Жовинко (13), Вучинич (96) – Эл-Шааравий (6).
Ювентус: Сторари, Бонуччи, Бардзальи, М. Касерес, Лихтштайнер (де Челье, 84), Видаль, Исла, Джаккерини, Марроне (Пирло, 77), Матри, Джовинко (Вучинич, 65).
Милан: Амелия, Де Шильо, Ачерби, Мексес, Абате, К. Боатенг, Эмануэлсон (Боян, 71), Амброзини (Б.Траоре, 90), Монтоливо, Эл-Шааравий, Паццини (Ньянг, 71).
Огоҳлантиришлар: Мексес (17), К. Боатенг (30), Видаль (65), Монтоливо (101), Вучинич (113).

ЛАЦИО – КАТАНИЯ 3:0 (1:0)
Голлар: Раду (30), Эрнанес (61, 90).

15 январ
ИНТЕР – БОЛОНЬЯ
16 январ
ФИОРЕНТИНА – РОМА